| Norsk dans og musikk på UNESCO-listene? |
|
|
|
UNESCO opna i veka som var sine nye lister for vern av
immateriell kulturarv, og det var ei historisk stund då Argentina, på grunn av
si plassering i alfabetet, i lag med Uruguay fekk sin kandidat Tango inn som
den første elementet på den representative lista.
Stiftinga Rådet for folkemusikk og folkedans er akreditert som observatør til UNESCO for arbeidet med Imateriell kulturarv, og var ein av 30 ekspertorgan og ekspertar å verdensbasis som var invitert til å vurdera kandidatar til List of the Intangible Cultural Heritage of Humanity in Urgent need of Safeguarding. Egil Bakka som gjorde arbeidet for Rff er nettopp komen tilbake frå møtet i Abu Dhabi. http://portal.unesco.org/culture/en/ev.php-URL_ID=34325&URL_DO=DO_TOPIC&URL_SECTION=201.html Han fortel at det blir lagt stor vekt på dette arbeidet i mange land. Den latviske kulturministeren var til stades for å følgja Latvias kandidatur The Suiti cultural space: musikk, dans, drakter, matskikkar osv, i Suiti, ein liten katolsk region. Bakka som hadde vurdert dette kandidaturet, var glad for å kunna presentera ein positiv rapport om kandidaten til forsamlinga. No spør Bakka om det ikkje er på tide at Noreg foreslår norsk dans og/eller musikk til ein av desse listene. Rådet for folkemusikk og folkedans har alt hatt ei liste for innskriving av kandidatforslag open lenge og Bakka oppmodar folk om å koma med framlegg i alle fall til slikt som bør på den norske lista.http://www.kulturarvporten.no/ Viktigaste poenget er at rikdomen av dans og musikk som finst rundt om i lokalmiljøa blir synleggjorde, slik at dei lokale aktørane på kultursektoren i kulturskulane og skuleverket både lokalt, regionalt og nasjonalt blir merksame på kva som finst, og blir merksame på dei forpliktingane vi har tatt på oss ved å ratifisera UNESCO-konvensjonen. |
|
| Sist oppdatert ( tirsdag 06. oktober 2009 ) |
| < Forrige | Neste > |
|---|
