Vi minner samstundes om at det er eiga påmelding for seminaret.

Trondheim 16. oktober 2009

Rådet for folkemusikk og folkedans og Norsk handverksutvikling inviterer herved alle interesserte til seminaret Kunnande og vitande, som blir arrangert i tilknytning til Representantskapsmøtet i Rådet 14.- 16. oktober.  Seminaret blir holdt fredag 16.oktober kl. 10-15 på Quality Hotell Augustin, Kongens gt. 26 i Trondheim.

Tradisjonsmusikk og tradisjonsdans i mangfaldsperspektiv

Det vart eit varmt møte og stor semje mellom innleiaren Lavleen Kaur som representerte nyleg innvandra kultur i Noreg og dei som representerte musikk og dansetradisjonar som er eldre her, det vi kallar norsk folkemusikk og folkedans. Mangfaldåret fekk ros, men også skarp kritikk: Det er bra at vi med eit visst press blir minna om å samhandla. På den andre sida er det heilt avgjerande at kvart tradisjonsfelt får muligheter til å bevara sitt kulturelle djup. Det kan verka som at eit kvart prosjekt som blandar får støtte, medan dei som vil arbeida med eller presentera sine klassiske former har vanskar for vinna gehør uansett kvalitet.

Rådet for folkemusikk og folkedans arrangerer eit mangfaldseminar knytt Representantskapsmøtet 2008 i Trondheim fredag 17. oktober på Dragvoll.

Representantskapsmøtet er generalforsamling for Rådet. Det kjem saman ein gong i året, seinast 15. november, og er med og stakar ut dei store linjene i Rådet sitt arbeid gjennom drøftingar av prinsippielle og faglege spørsmål.

Det godkjenner årsmelding, langtidsplan med budsjett og rekneskap for midlane Rådet har råderetten over. Det skal òg vera eit forum der alle sektorar i arbeidet for og med norsk folkemusikk og folkedans møtest og drøfter og fremjer saker av felles interesse med Rådet som utøvande organ. Kvart fjerde år vel Representantskapsmøtet medlemer og varamedlemer til nytt Råd.